အချိန်ကောင်းလေးပါ

အဲသည်နေ့က ဇွန်လ ၁၅ ရက်နေ့။ နောက်နှစ်ရက်ဆိုလျှင် ကွန်တော်သုံးဆယ်ပြည့်တော့မည်။ ဘာလိုလိုနဲ့ ဆယ်စုနှစ်သစ်တစ်ခုထဲ ရောက်တော့မှာပါလား။ ငါဘ၀ရဲ့ အကောင်းဆုံး အချိန်တွေ ကုန်ဆုံးခဲ့ပြီလား။ အဲသည်လို အတွေးဖြင့် ကျွန်တော်ရင်လေးသွားမိသည်။

အဲသည်တုန်းက ကျွန်တော်နေ့စဉ်လုပ်လေ့ရှိသည့်အရာများထဲမှာ တစ်ခုက အလုပ်မသွားမီ အားကစားခန်း မထဲ သွားပြီးလေ့ကျင့်ကစားခြင်းဖြစ်သည်။ နေ့စဉ် နံနက်တိုင်း အားကစားခန်းရောက်လျှင် ကျွန်တော်မိတ်ဆွေကြီး နစ်ကိုလတ်(စ်) ကိုတွေ့ရမြဲဖြစ်သည်။ နစ်ကိုလတ်(စ်) က အသက် ၇၉ နှစ်ရှိပြီ။ သို့သော် အရွယ်နှင့်မလိုက်အောင် ကျန်းမာသန်စွမ်းသည်။

အဲသည်နေ့ နစ်ကိုလတ်(စ်)ကို နှုတ်ဆက်တော့ ကျွန်တော်ခါတိုင်းလို သွက်သွက်လက်လက်တက်တက်ကြွကြွ မရှိတာ သူသတိပြုမိပြီး ဘာဖြစ်သလဲ မေးသည်။ ကျွန်တော်က အသက်သုံးဆယ်ပြည့်တော့မည့်အကြောင်းနှင့် အဲ သည်အတွက် စိုးရွှံ ပူပန်မိသည့်အကြောင်းပြောပြသည်။ အဲသည်လိုပြောရင်းက၊ အင်း ငါ နစ်ကိုလတ်(စ်)အသက် လောက်များရောက်ရင်ဘယ်လိုခံစားမိမလဲ မသိဘူးဟု တွေးမိကာ သူအား မေးခွန်းတစ်ခုမေးမိသည်။

“ အဘ ဘ၀မှာဘယ်အချိန်ကာလဟာ အကောင်းဆုံး အချိန်ကာလလို့ ယူဆသလဲဗျ “ ဟူ၍

“ မင်းက အတွေးအခေါ်ပါတဲ့မေးခွန်း မေးတော့ ငါလဲ အတွေးအခေါ်ပါတဲ့ အဖြေပေးရမှာပေါ့ “ နစ်ကိုလတ်(စ်) က မဆိုင်းမတွဆိုသည်။ “ ဒီလိုကွ၊ ငါ သြစတြီးယားမှာ ကလေးဘ၀တုန်းက ငါ့ကိစ္စ၀ိစ္စတွေ အားလုံးကို ငါ့မိဘတွေက တာဝန်ယူတယ်၊ ငါ့ကိုသူတို့ပြုစုပျိုးထောင်ကြတယ်၊ အဲဒီအချိန်ဟာ ငါ့ဘ၀ရဲ့ အကောင်းဆုံး အချိန် ဖြစ်ခဲ့တယ်၊

“ တစ်ခါ၊ ငါကျောင်းနေစဉ်ကာလမှာ ဒီကနေ့ ငါသိချက်နေတဲ့ အရာတွေ ကျောင်းကသင်ပေးလို့ သိရတတ်ရတယ်၊ အဲဒီကာလဟာလဲ ငါ့ဘ၀ရဲ့ အကောင်းဆုံးအချိန်တစ်ခုဖြစ်ခဲ့တယ်၊

“ အဲဒီနောက်၊ ငါအလုပ်ရတယ်၊ အဲဒီခါ တာဝန်တွေယူရတယ်၊ ဒါပေမယ့် ငါအားထုတ်လုပ်ကိုင်သမျှ ဟာ ငါ့ဘ၀ရဲ့ အကောင်းဆုံးအချိန်ပဲ၊

“ နောက်၊ ငါ့မိန်းမနဲ့တွေ့တယ်၊ ချစ်ကြခင်ကြတယ်၊ ဒီအချိန်ဟာလဲ ငါ့ဘ၀ရဲ့ အကောင်းဆုံးအချိန်ပဲ

“ ဒုတိယကမ္ဘာစစ်ဖြစ်တယ်၊ စစ်မီးတောက်နေတဲ့ သြစတြီယားကနေ လွတ်ရာ ကျွတ်ရာကို လင်မယား နှစ်ယောက် အသက်ဘေးအတွက် ပြေးကြရတယ်၊ မြောက်အမေရိကသွားတဲ့ သင်္ဘောတစ်စီးပေါ်ကို နှစ်ယောက်သား ဘေးကင်းရန်ကင်း ရောက်သွားကြပြီဆိုတဲ့အချိန်ဟာ ငါ့ ဘ၀ရဲ့ အကောင်းဆုံးအချိန်ပဲ၊

“ နောက်၊ ကနေဒါကို တို့ရောက်လာတယ်၊ သိုက်သိုက်ဝန်းဝန်းမိသားစုတစ်စု ဖြစ်လာတယ်၊ အဲဒီအချိန်ဟာလဲ ငါ့ဘ၀ရဲ့ အကောင်းဆုံးအချိန်တစ်ခုပဲပေါ့၊

“ နောက် ဖခင်တစ်ယောက်ဘ၀နဲ့ သားသမီးတွေ ပြုစုပျိုးထောင်ရင်း သူတို့လေးတွေ ကိုယ့်မျက်စိ ရှေ့ မှာ ကြီးပြင်းကြတာ တစိမ့်စိမ့်ကြည့်ခွင့်ရတယ်။ အဲဒီအချိန်ကာလာဟာလဲ ငါ့ဘ၀ရဲ့ အကောင်းဆုံးအချိန် ကာလာတစ်ခုပဲ၊

“ အဲဒီတော့၊ အခုအချိန်မှာ ရောတဲ့၊ ငါပြောမယ်ဂျိုး၊ ငါအခု အသက် ၇၉ နှစ်ရှိပြီ၊ ဒါပေမယ့် ကျန်းမာတယ်၊ နေလို့ထိုင်လို့ကောင်းတယ်၊ ငါ့မိန်းမကိုလဲ ငါစတွေ့စဉ်ကလို ချစ်ခင်ကြင်နာတုန်းပဲ၊ အဲဒီတော့ ဒီအချိန်ဟာလဲ ငါ့ဘ၀အတွက် အကောင်းဆုံးအချိန်ကာလာတစ်ခုပဲပေါ့ကွာ၊ “