သွေးနဲ အသတ်

ဒီပို့စ်လေးက ဦးဇင်း ပညာနန္ဒရဲ့ blog ကနေဖတ်လိုက်ရလို့ စိတ်ထဲမှာ ရသပေါင်းစုံကို ခံစားရတာကြောင့် သူငယ်ချင်းများကိုပါ ဝေမျှလိုက်ပါတယ်။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

စာရေးသူ ဒီပို့စ်လေးကို ဘလော့စာမျက်နှာပေါ်မှာ အစပထမ မရေးတော့ဘူး မတင်တော့ဘူး စသည်ဖြင့် ဆုံးဖြတ်ထားခဲ့ပါသည်။ ဘာကြောင့်လည်းဟု ပြောဆိုလာရင်ဖြင့်
သွေးလှူတာကိုများ ဘလော့ထဲမှာ ရေးပြီး ကြွားတယ် ၀ါတယ်ဟု တစ်ချို့သော သူများ
စာရေးသူ၏ အပေါ်မှာ တွေးမိကြ မြင်မိကြ သောအခါ ကုသိုလ်စိတ်မဖြစ်မိပဲ
အကုသိုလ်စိတ် ဖြစ်ပွားသွားမည် ဆိုးသောကြောင့်ဖြစ်ပါသည်။ သို့ပေမယ့်လည်း
သီရိလင်္ကာနိုင်ငံ အင်တာနေရှင်နယ် သွေးလှူဘဏ်မှာ စာရေးသူ၏ မျက်မှောက်
သွေးလှူနေချိန်တွင် ဖြစ်ပွားနေခဲ့သော ကိုယ်တွေ့ အကြောင်းအရာလေးများကို
စာဖတ်သူတို့အား သိစေချင်သော အတွက်ကြောင့် သာလျှင် ဒီပို့စ်လေးကို
စာဖတ်သူတို့ မျက်မှောက်သို့ ရောက်အောင် ရေးလိုက်မိပါကြောင်း...........။

ယနေ့ ၂၃-၁၁-၂၀၀၉ ရက်သည် စာရေးသူ၏ အသက် ၂၇ နှစ် အတွင်း အကြိမ်၂၀
မြောက်သွေးလှူဒါန်းခြင်းနေ့ ဖြစ်ပါသည်။ သို့အတွက်စာရေးသူ အိပ်ရာမှ
စောစောထပြီးလျှင် ဈေးသို့သွားကာ ဆေးရုံရှိ မရှိဆင်းရဲသော လူနာများအား
လှူဒါန်းရန် နိုင်သလောက် ပစ္စည်းအချို့ကိုသွား၍၀ယ်ခဲ့ပါသည်။ (လေးလတစ်ကြိမ်
သွေးလှူဒါန်းရန်သွားသည့်အခါတိုင်း ဆင်းရဲသော လူနာများအတွက် နိုင်သလောက်
ဤကဲ့သို့ ၀ယ်၍သွားခဲ့ပါသည်။)

အချိန်က နံနက်ကိုးနာရီပတ်ဝန်ကျင် ရာသီဥတုက ယနေ့တွင် ဖေါက်ပြန်နေသောကြောင့်
မိုးပဲရွာတောမလိုလို နေပဲ ပူတော့မလိုလိုနှင့် သာယာခြင်းမရှိ အုံးဆိုင်းကာ
ဖြစ်လျက်နေပါသည်။ သွားနေကြအတိုင်း အဆောင်မှာ ကားငှားပြီး ဆေးရုံသို့
သွေးလှူရန်အတွက် သွားခဲ့ပါသည်။ ယနေ့ ထူးထူးခြားခြား ဆေးရုံး၏ဘေး လမ်းကြားထဲ
နှင့် ကားလမ်း၏ဘေးများတွင် လူများစွာတန်းစီနေကြသည်ကို တွေ့လိုက်ရပါသည်။
သွေးလှူဘဏ်သို့ရောက်သောအခါ ပုံမှန်အတိုင်း သွေးဖောက်ခန်း၏
အတွင်းသို့ရောက်သောအခါ လူတွေအများကြီးဖြစ်နေသောကြောင့် မေးမြန်းကြည့်ရာ
တိုက်ပွဲတွင် ဒဏ်ရာရသော စစ်သားလူနာရှင်မိဘများ နှင့်
အရပ်သားလူနာရှင်မိဘမောင်နှစ်မများသည် လူနာများ ခွဲစိတ်နိုင်ရန်အတွက်
သွေးအရေးတကြီး လိုအပ်နေသောကြောင့် လူနာရှင်များသည် ဆေးရုံ၏
အတွင်းသို့ဝင်နေရန်ခွင့်မရှိ၍ ညကတည်းက အပြင်ကားလမ်းမဘေးမှာ
ဖြစ်သလိုနေပြီး သွေးရရန်အတွက် ဒီမှာ စောင့်ဆိုင်းနေကြပါသည်ဟုပြောပါသည်။

ညကတည်း ကဆို၍ စာရေးသူ အံ့အြသွားခဲ့ရပါသည် ဘာကြောင့်လဲဆိုရင်ဖြင့် သီရိလင်္ကာမှာ
ယခုအချိန်သည် မနက် နေ့လည် ပိုင်းထက် ညနေပိုင်းမှ မိုးလင်းအထိသည်
မိုးများသီးထန်စွာ ဆက်တိုက်ရွာသွန်းနေသော အချိန်ရာသီဖြစ်သောကြောင့်
ဖြစ်ပါသည်။ အမိုးအကာမရှိ ဖြစ်သလိုမျိုး နေကာ အ၀တ်အစာများ
မိုးများစိုရွဲကာဖြင့် သွေးလှူဒါန်းမည်သူများကို စောင့်ဆိုင်နေသော
လူတန်းစုကို မြင်လိုက်ရသောအခါ ခံစားချက်ရေယဉ်လှိုင်း တစ်ခုသည်
ရင်ထဲမှာရှိသော နှစ်လုံးသားဆိုင်ပေါ်သို့ ပြင်းပြင်းထန်ထန်
ရိုက်ခတ်လာခဲ့ပါတော့သည်။ ဤကဲ့သို့ မိုးထဲလေထဲ တညလုံး ကားလမ်းဘေးတွင်
ဖြစ်သလိုနေ ဖြစ်သလိုအိပ်ကာ သွေးရရှိရန် အတွက် တန်းစီကာစောင့်ဆိုင်းနေကြသော
လူတန်းစုထဲတွင် ချမ်းသာသော လူတန်းစားများ ပါဝင်လိမ့်မည်မဟုတ်ဟုလည်း
တဆက်တည်း တွေးဖြစ်လိုက်ပါသည်။

ယခုသီရိလင်္ကဆိုသော နိုင်ငံတွင်းမှာလည်း မိမိ၏သွေးကို ပိုက်ဆံမယူပဲ စေတနာဖြင့်
လှူဒါန်းသူများရှိသလို ပိုက်ဆံနှင့် ရောင်းချပြီး မိသားစု၏ ၀မ်းရေးကို
ဖြေးရှင်းနေ ကြသူများလည်းရှိပါသည်။ နိုင်ငံအတွင်းမှာ ယခုနှစ်တွင်
ရာသီဥတုဖောက်ပြန်ခြင်း တိုက်ပွဲတွေလည်း ဟိုတစ်စု ဒီတစ်စု
ဆက်တိုက်ဖြစ်ပွားနေခြင်း များကြောင့် ဆေးရုံးဆေးခန်းများတွင် လူနာများသည်
အရင်ကနှစ်များထက် များပြားလာသောအခါ သွေးလှူဘဏ်များ၌လည်း
သွေးများပျက်သွားခဲ့ရသလောက်နီးပါး ဖြစ်နေသည့်အတွက်ကြောင့်
ပုံမှန်အလကားရနေသော ဌာနများ၌ သွေးကိုမရ၍ အပြင်မှ လှူဒါန်းရန်
သွေးလှူဘဏ်သို့ ရောက်လာသာ လူများကို မိမိဘက်သို့ ရောက်လာစေရန်
ငွေရှိသူများက ငွေများနှင့် ဖိ၍ လုပ်လိုက်သောကြောင့်
ဆင်းရဲသောမိသားစုများသည် သွေးရရှိရန်အတွက် ဒုက္ခဖြစ်သွားခဲ့ရပါသည်။
ချမ်းသာသောသူများကတော့ ငွေနှင့်အလွယ်တကူ သွေးလှူသူများထံမှ တိုက်ရိုက်
ဝယ်ယူကာ မိမိလူနာများ အသက်ရှင်နိုင်ရန်တွက် သွေးကို လူနာများသို့
အချိန်မှီသွင်းပေးကြရပါသည်၊ ယခုလောလောဆယ်တွင် ဆေးရုံတွင်လည်း
သွေးမရှိသောကြောင့် ဆင်းရဲသားများမဆိုထားနှင့် ငွေရှိသူမျာတောင်
သွေးရရှိရန် အခတ်တွေ့နေကြရပါသည်ဟု တာဝန်ခံဆရာဝန်က ပြောပြခဲ့ပါသည်။ ပို၍
အခတ်တွေ့သွားသည်က မ၀ယ်နိုင်သော ဆင်းရဲသားများအတွက်ဖြစ်ပါသည်။
စာရေးသူ၏သွေးက (အေ) သွေးဖြစ်သောကြောင့် ဆရာဝန်က အရှင်ဘုရား
ကြိုက်သောလူနာရှင်ကို ရွှေးပေးပါဆို၍ အပြင်သို့ ထွက်လိုက်သောအခါ (အေ)
သွေးလူနာရှင်များ အနားသို့ ၀ိုင်းအုံးလာပြီးလျှင် ငိုရင်းဖြင့် သွေးလှူရန်
သို့မဟုတ် ရောင်းပါရန် အလုအယက်ပြောလာခဲ့ကြပါသည်။

စာရေးသူ ထိုအရေးတကြီးလူနာများကို တစ်ယောက်ထဲလှူ၍ မရသောကြောင့်
ဤကဲ့သို့ရွေးချယ်လိုက်ပါသည်။ စစ်သား၊ ချမ်းသာသောအရပ်သား၊ မချမ်းသာသောလည်း
အသင့်အတင့်ရှိသောသူများ။ ထိုသူများကို ဖယ်ရှားလိုက်ပါသည်။ စစ်သားများသည်
အစိုးရက ကြည့်နေမှာမဟုတ်ပါ ထို့အတူ ချမ်းသာသောသူများသည်လည်း သွေးကို
ရောင်းမည်သူများထံမှ ငွေနှင့်အလွယ်တကူ ၀ယ်နိုင်ပါလိမ့်မည်။ သို့အတွက်
ဆင်းရဲသားများအတွက်ကို ဦးစားပေးခဲ့ပါသည်။ ဆင်းရဲသူများကိုရွှေးနေရင်းဖြင့်
အမျိုးသမီးကြီးတစ်ဦးက အနားကပ်လာပြီးလျှင် သူမမှာအလုပ်မအား၍
အရှင်ဘုရားထံကနေ သွေးကို ၀ယ်ချင်ပါသည် ၁သောင်းပေးပါမည် အပြန်ကားနှင့်လည်း
လိုက်ပို့ကာပေးပါမည် စသည်ဖြင့်ပြောလာပါသည်။ ထိုပြောလာသော ၁-သောင်းသောငွေသည်
ဒေါလာ ၁၀၀ နီးပါးမျရှိ၍ အကယ်၍များ ထိုအမျိုးသမီးကြီးအား ရောင်းလိုက်မိပါက
နိုင်ငံရက်ခြားမှာ ပညာသင်ကြားနေသော စာသင်သား တစ်ယောက်အတွက် အတော်လေးကို
အစဉ်ပြေသွားမည့် အခြေအနေတစ်ရပ်ဖြစ်ပါသည်။ ဒါကိုလည်း နိုင်ငံခြားမှာ
ပညာသင်ကြားနေသော ကျောင်းသူ ကျောင်းသားများ သိကြမှာပါ။ သို့ပေမယ့်
ထိုအမျိုးသမီးကြီးကို ပြုံးကြည့်ကာ စာရေးသူ ငြင်းပယ်လိုက်ပါသည်။

ထိုသို့ ငြင်းပယ်ပြီးနောက် ဆင်းရဲသားများထဲမှာ မည်သူကို လှူဒါန်းရကောင်းမလဲဟု
စဉ်းစားနေတုန်း ဒုတိယအကြိမ် အနားသို့ တုန်တုန်ရင်ရင်ဖြင့် ရောက်လာသောသူကို
ကြည့်လိုက်မိတော့ ဟောင်းနွမ်းနေသော အ၀တ်အစားကို ၀တ်ဆင်ထားသော
အဘွားအိုကြီးတစ်ဦး အရေပြားများ တွန့်လိမ်နေသော အိုစာနေသောခန္ဓာကိုယ်၊
နီရဲလျက်ရှိနေသောမျက်လုံးများ၊ နှစ်ဘက်သော ပါးပြင်ပေါ်တွင်
အလိမ်လိမ့်ကျဆင်းနေလျက်ရှိသော မျက်ရည်ကြည်ဥကလေးများ နှင့် မခြောက်တစ်ခြောက်
မျည်ရည်စီးချောင်းကလေးများ ၊ သောကဝေဒနာများဖြင့်ဖုံးလွှမ်းနေသော
မျက်နှာပြင်၊ တုန်တုန်ရင်ရင်ဖြင့် အရေးကြီးသောပစ္စည်းတစ်ခု အောက်သို့ကျကာ
ပျောက်သွားမည်ကို စိုးရိမ်သည့်အလား လက်ထဲမှာ ကျစ်ကျစ်ပါအောင်
ဆုပ်ကိုင်၍ထားသော အရာဝထ္ထုတစ်ခုနှင့်အတူ မထင်မှတ်ပဲ ကြားလိုက်ရေသော ( Hello,
How are you my son? I'm.....) ဟု ပီသ ရှင်းလင်းသော အင်္ဂလိပ်သံဖြင့်
အသံပြု လက်အုပ်ချီ ဦးချကာ နုတ်ဆက်ပြီး မျက်နှာလေးမော့ကာ နီရဲပြီး
မျက်ရည်များရစ်ဝိုင်းနေသော မျက်လုံး၊ တုန်ရင်နေသော အသံလေးဖြင့် အဘွားအသက်
၇၆ နစ်ရှိပါပြီး အသက် ၂၅ နှစ်ရှိသော မြေးလေးနှင့်အတူနေပါတယ် ၊ မထင်မှတ်ပဲ
လွန်ခဲ့သောညတညမှာ အဘွား၏မြေး လမ်းမှာ တွန်းလှည်းနှင့်ပစ္စည်းတွေ
လိုက်ရောင်နေတုန်း ကားတိုက်မှုဖြစ်ကာ ဆေးရုံးသို့ ရောက်နေပါတယ်
ဘယ်ကားတိုက်သွားသည်ကိုလည်း မမှတ်မိ ကားသမားကလည်း ထွက်ပြေးသွားသော
အတွက်ကြောင့် အဘွားကိုယ်တိုင် လိုက်လုပ်ပေးနေရပါသည်ဟု စာရေးသူကို
ထိုကဲ့သို့ ပြောလာပါသည်။

ဆေးရုံးက ဆင်းရဲသားတွေအတွက် အလကားဆိုပေမယ့်လည်း စားစရိတ် သွားစရိတ်
လာစရိတ်စသည်များကိုတော့ အဘွားတို့ကိုတိုင် ကိုယ်ဘာသာကို ဖြေရှင်းရပါတယ်သား၊
အဘွားတို့ကဆင်းရဲသည့်အတွက် ဒီလောက်ကလေးကိုတောင် မတက်နိုင်ခဲ့ပါဘူး။
အဘွားကျန်းမာရေးလည်း သိပ်မကောင်းတော့ လမ်းလည်းမြန်မြန်မလျှောက်နိုင်ဘူး
ဖြစ်နေတယ် ဆေးရုံနှင့်အဘွားတို့နေအိမ်က နည်းနည်းဝေးတဲ့အတွက် အိမ်ကို
မပြန်နိုင်ပဲ ဟောဒီဆေးရုံနားမှာပဲ ဖြစ်သလိုနေ ဖြစ်သလိုစားပြီး
အဘွားမြေးလေးကို ကြည့်နေရတာပါသားရယ် အဘွားယခုတောင် ထမင်းမစားရသေးပါဘူး
မနေ့ကတည်းပါ စာလည်းမစာပါဘူး၊ စာရေးသူကနေ အဘွားမှာ
ဆွေမျိုးသားချင်းများမရှိဘူးလားဟု မေးလိုက်သောအခါ ရှိပါတယ် ဆင်းရဲတော့
သူတို့က ဂရုမစိုက်ကြပါဘူး ၊ ဒါကြောင့် မြေးလေး သွေးသွင်းဖို့အတွက်
သွေးရရန်အတွက် အကူအညီမရှိပဲ အဘွားတစ်ယောက်ထဲ ခုလိုမိုးရွာထဲမှာ ညကတည်းကနေ
ယခုအချိန်ထိ ကားလမ်းနဘေးမှာ အိပ်ပြီးစောင့်နေတာပါ၊ အဘွားက အသက်ကြီးတော့
လှူတဲ့သူလာလည်း လှူမည့်သူထံကို သူများတွေလို အမြန်မသွားနိုင်ဘူး
ထို့အတွက်ကြောင့် ယခုအထိတိုင် သွေးမရသေးပါဘူးငါသားရယ်ဟု မျက်လုံးအိမ်မှ
ပါးပြင်ပေါ်သို့ ဆက်တိုက်ကျဆင်းလာသောမျက်ရည်၊ ခံစားချက်ပြင်းပြင်း
တုန်ရင်သော အသံ စသည်ဖြင့် ပြောပြလာသောအခါ ရင်ထဲတွင်
ပြောမပြနိုင်လောက်အောင်ခံစားမှုများဖြစ်လာ ယုံတင်မကပဲ မျက်ရည်များဝေ့၀ဲလာတဲ့
အထိခံစားခဲ့ရပါသည်။

စာရေးသူချက်ချင်း ဆုံးဖြတ်ချက်ကို ချလိုက်ပါသည် ဝေ့၀ဲလာသောမျက်ရည်များနှင့် အတူ အေးဆက်ဆက်ဖြစ်နေသော အဘွား၏လက်ကလေးကို
ကိုင်လိုက်ပြီး စိတ်မပူပါနဲ့ အဘွားရယ် ဦးဇင်း အဘွား၏မြေး အတွက်သွေးကို
လှူပေးမည်လို့ပြောလိုက်သောအခါ မျက်ရည်များကြားထဲမှ ဖြစ်ပေါ်လာသော
အပြုံးပွင့်တစ်ပွင့်ကို သောကတွေ ဖုံလွှမ်းနေသော မျက်နှာပြင်ပေါ်မှာ
တွေ့မြင်လိုက်ရပါသည်။ သို့အတွက်ကြောင့် ၀မ်းသားအားရနှင့် အဘွားလက်ကို
တအားဆုပ်ကိုင်မိလိုက်ပြီး အပြုံးနှင့်အတွ အားပေးလိုက်သောအခါ သူမလက်ထဲတွင်
ကျစ်ကျစ်ပါအောင် ဆုတ်ကိုင်ထားသော အရာဝထ္ထုလေးတစ်ခုသည် အောက်သို့ဒေါက်ဆို
ပြုတ်ကျသွားကာ လိမ့်ကာလိမ့်ကာဖြင့် စာရေးသူ၏ ခြေထောက်နားသို့
ရောက်လာခဲ့ပါသည်။ ဘာများ ဖြစ်မလဲဟု ကောက် ခါကြည့် လိုက်မိသောအခါ
မြင်လိုက်ရသည့်ကား နားထောင်လေးတစ်ဘက်၊ အဘွားဒီနားကပ်ကလေးတစ်ဘက်က
ဘာလုပ်တာလည်းဟု မေးကာကြည့်လိုက် တော့ နားကပ်တစ်ဘက်က ရောင်းပြီးသွားပြီး
ကျန်တဲ့ ဒီတဘက်ကိုရောင်း ပြီး ရလာသောငွေလေးနှင့် အဘွားမြေးအတွက် အကယ်၍
သွေးအလကားလှူမည်သူမရှိခဲ့လျှင် ရောင်းမည်သူထံကနေ ၀ယ်မလိုပါ သားရယ်ဆိုပြီး
ပြောခဲ့ပါသည်။ အဘွားက အရေးမကြီးပါဘူး တကယ်လို့များ ဒီနေ့မှ သွေးသာ
အလွယ်တကူ မရခဲ့လျင် မြေးအတွက် မလွယ်ဘူးဆိုပြီး ငိုကာပြောပြခဲ့ပါသည်။
ဒီအချိန်မှာ တုန်တုန်ရင်ရင်ဖြင့် ငိုနေသော အဘွားအိုကိုကြည့်ကာ အကယ်၍များ
ဤအဘွားအိုသည် စာရေးသူ ၏ အဘွားဖြစ်နေခဲ့လျင်.....။

စာရေးသူ မခံစားနိုင်အောင်ဖြစ်သွားမိခဲ့ပါသည်။ ဒီလိုဖြစ်နေသော မိသားစုများ
တစ်ကမ္ဘာလုံးဘယ်လောက်တောင် ရှိလိမ့်မလည်းလို့လည်း တွေးမိခဲ့ရင်း တစ်ဆက်တည်း
စိတ်မကောင်းဖြစ်ခဲ့မိပါသည်။ အဘွားပြောလာသော မြေးလေးအတွက်
သွေးလှူဖြစ်သွားခဲ့သလို ပါလာသော ပစ္စည်းများကိုလည်း ပေးလှူခဲ့ပါသည်။ ငွေလည်း
အနည်းငယ် ထပ်ပြီးပေးခဲ့ပါသည်။ သွေးလှူနေရင်း အဘွားမြေးလေး
ကျန်မာရေးမြန်မြန် ကောင်းပါစေလို့ လည်း ဆုတောင်းလိုက်မိပါသည်။

သွေးလှူပြီး၍ အဆောင်သို့ပြန်ရောက်သောလည်း စိတ်မကောင်းဖြစ်နေဆဲဖြစ်ပါသည်။ အကြိမ် ၂၀
အတွင်းသွေးလှူဒါန်းရာတွင် ဒီတကြိမ်တွင် စာရေးသူအတွက် အမှတ်တရ ဖြစ်သွားသလို
ဆေးရုံများတွင် လူနာများအတွက် မရှိမဖြစ်သွေး များလိုအပ်နေကြောင်းကိုလည်း
ထပ်ပြီး နားလည်ခဲ့မိပါသည်။ကျန်းမာရေး ကောင်းသော သူများထံမှ
သွေးများမရရှိပါက လူနာများအတွက် အသက်ရှင်နိုင်ရန်မှာ မလွယ်ကူလှပါဘူး။
သွေးသည် အထူးကိုလိုအပ်လှပါသည်။ အထူးသဖြင့် ဆင်းရဲသော လူနာများ
အသက်ရှင်နိုင်ရန် အတွက် ဖြစ်ပါသည်။ ဆင်းရဲသားများ ငွေမနိုင်၍
အချိန်မှီသွေးကိုဝယ်ပြီး လူနာအတွက် မသွင်းနိုင်ခဲ့ပါလျင်............

သွေးလှူသော ကုသိုလ်တရားသည် ဘာဖြစ်သည် ညာဖြစ်သည် စသည်ဖြင့် စာရေးသူမရေးလိုတော့ပါ
မရေးလည်း အားလုံးက ကောင်းကောင်း သိကြမယ်လို့ မျော်လင့်ပါတယ်။ ဒါကြောင့်
စာရေးသူပြောချင်တာသည် သွေးကို ရောက်တဲ့နေရာ မှာ လှူဒါန်းပေးကြပါလို့
တိုက်တွန်းချင်ပါသည်။ စာဖတ်သူများကို နောက်တစ်ခု ပြောချင်သည်က သွေးလှူရင်
အသက်တိုသည် ဆိုသော အတွေးမျိုးကိုလည်း မတွေးစေချင်ပါ။

သွေးလှူသော စနစ်အသစ်ကို ဆေးရုံရှိ ဆရာဝန်များက ပြောပြလာ၍ အလွန်အန္တရာယ် များပေမယ့်လည်း
စာရေးသူ အသင်းဝင်အဖြစ် ရဲရဲဝင့်ဝင့် ၀င်ရောက်ခဲ့ပါသည်။
ဘာလည်းဆိုရင်ဖြင့် သွေးကိုလှူသောအခါ တစ်ကိုယ်လုံးရှိ အိုဟောင်းနေသော
သွေးများ ဆဲလ်များကို သူတို့က အစတွင်သွေး အသစ်နှင့်အဟောင်း
ချက်ချင်းလဲလိုက်ပါသည်။ တစ်ဘက်ကထုတ် တဘက်ကနေ သူတို့၏ ဆေးဖြူရည်များကို
ခန္ဓာကိုယ်ထဲသို့ ဆက်တိုက်သွင်းပေးနေပါသည် ။ လဲချိန်သည် ၁
နာရီကျော်ကျော်ကြာပါသည်။ နောက်မှာ ပြန်ပြည့်ဝလာသော သွေးအသစ်များကို သူတို့က
ခန္ဓာကိုယ်ထဲမှ တစ်ပုလင်းထုတ်ယူပါသည်။ ဒါကြောင့် ပုံမှန် ၄ လကို
တစ်ကြိမ်မှသာ လှူရသောသွေးသည် ၂ ပါတ် ( ၁၄) ရက်တွင် တစ်ကြိမ်ဖြင့်
တစ်နှစ်ကို ၂၄ ကြိမ်လှူဒါန်းနိုင်ပါသည်။ စာရေးသူ ဤကဲ့သိုလှူဒါန်းမည်
ဟုလက်မှတ်ထိုးကာ အသင်းဝင်ခဲ့ပါသည်။ အသက် ၄၀ ပါတ်ဝင်ကျင်ဆိုရင်ဖြင့်
နောက်ထပ်လှူဒါန်းခွင့်မရှိတော့ သောအကြောင်းနှင့် ဆေးရုံးကလည်း
ခွင့်ပြုလိမ့်မည်မဟုတ်ဟု ပြောပြလာပါသည်။

ယခုစာရေးသူ ဆိုရင်ဖြင့် အသက် ၂၇ အတွင်းမှာ မြန်မာမှာ ၁၄ ကြိမ်။ သီရိလင်္ကာမှာ ၆ ကြိမ်။
အားလုံး အကြိမ် ၂၀ ရှိပါပြီး။ စာဖတ်သူတွေအားလုံးကို စာရေးသူ၏
ကုသိုလ်များကို အမျှပေးဝေလိုက်ပါသည်။ သာဓုခေါ်ကြရင်းဖြင့် တန်ဖိုးရှိသော
အသက်များကို သွေးလှူရင်း ဖြင့်ကယ်တင် နိုင်ကြပါစေ...

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

သွေးလှူဖို့ကို ကိုယ်တိုင်လည်း ကြိုးစားခဲ့ဖူးပါတယ်။ ဒါပေမယ့် သွေးအားနည်းတတ်တာကြောင့် မိဘများရဲ့ ခွင့်ပြုချက်ကို မရခဲ့ပါဘူး။ ဒါကြောင့် လှူဒါန်းခွင့်လည်းရနေ၊ လှူဒါန်းမှုလည်းပြုနေကြတဲ့ ကုသိုလ်ရှင်တွေကိုပဲ ၀မ်းမြောက်ဝမ်းသာနဲ့ သာဓုခေါ်ရင်း ဆုတောင်းပေးလိုက်ရပါတယ်။

မူရင်း။ link

သတ္တ၀ါအားလုံး ကျန်းမာချမ်းသာလို့ ဘေးဒုက္ခအပေါင်းမှ လွတ်မြောက်နိုင်ပါစေ။